بەڕێوەبەرایەتی ئەندازیاری و پڕۆژەکان

ئەم بەڕێوبەرایەتیە وەک یەکەیەکی گرنگی پەیکەری زانکۆ، بەرپرسیارێتی سەرەکی لە ئەستۆ دەگرێت بۆ بەڕێوەبردن و جێبەجێکردنی گشت پڕۆژە ژێرخانییەکانی ناو زانکۆ. ئەم بەڕێوەبەرایەتییە، لەژێر چاودێری ڕاستەوخۆی سەرۆکایەتی زانکۆدا، ئەرکی ئامادەکردن و دەرخستنی تەندەرەکان، سەرپەرشتیکردنی پرۆسەکانی نوێکردنەوە، بنیاتنان و چاکسازی بیناکان و دامەزراوەکانی زانکۆ بەڕێوە دەبات. هەروەها، ئەم بەشە پابەندە بە گەشەپێدان و جێبەجێکردنی پلانی ستراتیژی و درێژخایەنی زانکۆ، بە مەبەستی دڵنیابوون لەوەی کە هەموو پڕۆژەکان لەگەڵ دیدگا و ئامانجە گشتییەکانی زانکۆدا یەکدەگرنەوە. لەم چوارچێوەیەدا، بەڕێوەبەرایەتی ئەندازیاری و پڕۆژەکان ڕۆڵێکی بنەڕەتی دەگێڕێت لە دابینکردنی ژینگەیەکی ئەکادیمی پێشکەوتوو و گونجاو بۆ فێرکردن و توێژینەوە.

بەرپرسیارێتییەکان:

١. چاودێری و بەڕێوەبردنی پرۆسەی بنیاتنان، نوێکردنەوە و چاکسازی سەرەکی بۆ گشت بینا و ژێرخانەکانی ناو زانکۆ، بە مەبەستی دڵنیابوون لە پاراستنی ستانداردە بەرزەکانی کوالێتی و سەلامەتی.

٢. ئامادەکردن و دەرخستنی تەندەر بۆ پڕۆژەکانی بنیاتنان و نوێکردنەوەی باخچە، بینا و ژێرخانی نوێ، بە گوێرەی پلانی ستراتیژی و درێژخایەنی زانکۆ، بە مەبەستی بەرەوپێشبردنی ژینگەی ئەکادیمی.

٣. وردبینی و دڵنیابوون لە جێبەجێکردن و تەواوکردنی گرێبەستەکان لە چوارچێوەی کات و بودجەی دیاریکراودا، بە پێی مەرج و ڕێنماییە پەیوەندیدارەکان.

٤. هەڵسەنگاندن و جێبەجێکردنی بەردەوامی پلانی ماستەری زانکۆ، بە ئامانجی دەستەبەرکردنی گەشەسەندن و پەرەپێدانی بەردەوام، لە ڕێگەی هەماهەنگی لەگەڵ بەشە پەیوەندیدارەکانی زانکۆدا.

بەڕێوەبەر

ڕێباز رسول حسن 

 ئیمەیڵ: [email protected]

ژمارەی پەیوەندی: 07701468577